Humamubo hin 0.6836 centavo kada kilowatthour an sukot han kuryente para yana nga bulan han Marso. Tikang Php 16.2431 kada kwhr. han una nga bulan, ada na la ha Php 15.5595 kada kwhr. an taripa han kuryente.
Sukot han GENERATION ngan TRANSMISSION an nakikita ha kawsa han paghamubo han taripa han kuryente. An Generation ngan Transmission charge asya an mayda dako nga parte han aton binabayaran nga power bill. Ngan nag iiba iba ini kada bulan, usahay na hataas usahay liwat na hamubo.
Samtang, nagpapabilin la gihapon an Php2.0750 nga sukot han DORELCO para han pag-distribute han kuryente ha aton panimalay. Ngan waray pa ini mag umento tikang pa han 2010.
