Sukot han GN POWER humamubo hin 0.0979 Centavo. GN Power, beke nemen! Humamubo gad man hin 0.0979 centavo kada kilowatthour an sukot han kuryente han GN POWER para yana nga bulan han Oktubre. Tikang Php 11.9193 han una nga bulan, ada na la ha Php 11.8214 an sukot yana han kuryente han GN POWER. An GN POWER in usa nga pribado nga kompanya nga asya an ginpapalitan hin kuryente han DORELCO. Asya gihapon ini an mayda dako nga parte han aton binabayaran nga power bill.

Ha kabug-usan, umabot na ha Php 19.2090 per kilowatthour an taripa han kuryente para yana nga bulan. Samtang, nagpapabilin la gihapon an Php2.0750 nga sukot han DORELCO para han pag-distribute han kuryente ha aton panimalay. Ngan waray pa ini mag umento tikang pa han 2010. Para mas masabutan naton an composition han power rate, kitaa adi nga video.